Presepio
No, non son bon, Gesù mio,
se davanti al me presepio
no’ trovo momenti de pace;
gò un crussio che no me va via:
penso a le cune ude de Rachele,
a le lagrime de Giusepe,
al gran dolor del bon Giacobe…
Mosè, più no’l prega el Signor,
perché el spartissa, le aque
de l’indiferensa e ch’el fassa
cascar la mana su la gente
afamada. E ghè Arone, Gesù,
che’l costruisse ancora i bo de oro…
E l’è sempre, sempre qua Erode
che, co’ spade de odio, el trapassa
l’inocensa de tanti butini.
Ma come fasso a troar, Bambin
Santo, atimi de vera pace?
Penso a quela antica Tera,
cuna vera de l’Umanità
e cuna del Cristianesimo,
deventà cuna de l’odio?
La luce che vien da quela stala:
l’è un faro grando de speransa…
Di cuore auguro ogni bene
Bruno
