Centenario del Bombardamento in Piazza Erbe

La Grande Guerra
Piazza Erbe -14 novembre 1915-

I le sentìa el rengo i veronesi…
e da la tór i  sonava le trombe:
“Alarme…alarme”- i sigava i piasaroti-
“Via …via al riparo, là, soto i porteghi…
Gh’è tri reoplani, i molarà le bombe…”

Scapa l’osto e i botegari; le ronde
se da da far: corì, par la madona…
 …La Piassa, uda, gh’è solo do colombe
su la testa de “Madona Verona”

El leon su la colona el par in péna,
tase la gente: vien zo con un lamento
na bomba…un scopio sbrana el silensio,
un scosson, che fa tremar fin la Rena…

…tuti i scapa: resta lì quaranta morti….
 e gh’è feriti che siga, lì a un passo…
… Pianse là sora “Madona Verona”,
se inchina la tór davanti al spegasso…

Bruno Etrari