Paure

Èto sentì ancora
i lamenti
de ci cascava soto i colpi
viliachi de giovani invasadi?

T’èto svejà de note,
de sorasalto,
al primo rumor, co’ la paura
che i vegnesse a portar via to pare?

Èto, èto  mai visto
persone oneste
maltratade, umiliade, schivade
come lebrosi, sol paché i-èra ebrei?

Èto sentì ancora
“Radio Londra”,
de scondon, de note, pa’ paura
che’l vissin el te fasesse la spia?

Sito mai vissù
co’l teror,
teror de tuto e de tuti,
teror de “far” de “dir” qualcossa in più?

Se tuto questo, ieri,
no’ te l’è proà,
no’ te pol saver, no’ te pol gustar,
ancò,
       el profuma genuin de la LIBERTA’.

Bruno Etrari