Anniversario dell morte di Nelson Mandela

Ciao Nelson  Mandela 1918 – 2013

El to coraio, el sacrificio par i altri,

esempio ciaro contro la violensa,

la to meio arma l’è sta el perdono.

Torture e umiliassioni e speranse

i volaa sóra le sbare verso e cel.

El sangue, el to sangue el gavea el color

de la libertà, po’ la to bandiera

l’èra la giusta dignità de ogni omo,

proprio de tuti i omeni,  neri o bianchi;

i to sogni i-à passà i monti e i mari

de l’ipocresia e de l’indiferensa.

T’è tirà en sasso nel lago de l’odio

e l’onda granda l’à scavalcà el mondo…

E  te si partì, in pace, par un viaio

sensa ritorno. Sluse la to stéla,

adesso, nel firmamento de i giusti.

                    Ciao, Nelson Mandela

BRUNO ETRARI